أبو أحمد من بعيد صباح الخير يا أبو سعيد
أبو سعيد : وبن رايح يا أبو أحمد .. والله أنا زهقان ..
أبو سعيد: ما دام انك زهقان تعال اتسلى عندي
ما هيني يا بو أحمد قاعد عباب الدار بنضيع ها لوقت الساع مطول المغرب
تفضل يا أخوي يا أبو احمد اقعد هان جنبي والله زمان ماشفتك..
اليوم يا أخوي يا أبو سعيد حرارتو أخف من مبارح ..
رمضان والله هالسنة شوب , لكن ربنا بيعين عليه
يا أخوي يا أبو سعيد والله الليلة الماضية ظليت صاحي حتى نص الليل
أدير حالي من زاوية إلى أخرى , بسبب الرطوبة والله يمكن تحممت ثلاث مرات ...
أبو سعيد :خليها عل الله يا أبو أحمد : أنت بتقولي مبارح كانت شوب صحيح الشوب كان كثير
بس يا أبو أحمد مش هاذا المهم ,
الشوب يمكن بنقدر عليه بنشغل ها المروحة ..
أبو احمد : وايش نسوي لمن تكون الكهربة مقطوعة ..
مهي يا خوي دايمن مقطوعة وخاصة في الصيف وفي الليل ..
الله بيعين يا أخوي يابو أحمد .. كل هذا مش مهم ..
والله شغلتني يا خوي يا أبو سعيد ويش هوه المهم ..!!

يا أخوي يأبو أحمد : جارنا اللي كنا نقول عنه ملاك ..
مين هو يا أبو سعيد .. جارنا اللي بحدي ..
مين أبو راسم آآ ،نعم أبو راسم مغيرو ا اللي بيصلي معانا في الصف الأول اا يا أخوي .. هذا اللي مجنني .. احكي يا أبو سعيد والله شغلتني!!
مبارح طول الليل الشرطة وهمه في دارو بفتشوا!! يمكن والله ظلوا لا الفجر أو قبل الفجر بشوية
وطلعوا من داروا بلاوي..ايش طلعوا يا أبو سعيد
والله يا أبو أحمد طلعوا هذي اللي بيقولها حشيشه..!!
طلعوا اشي كثير يا أخوي
وأنا بحسبو سمك يا أخوي يا ابو أحمد وهمه بيقولوا أكم فرش ..
صرت أقول وأنا في الدار.. والله حرام عليهم ليش هوه اللي بيتاجر في السمك حرام!!
وطلع يأبو أحمد الفرش يعني حشيشه
والله عشنا وبنتعلم ..
أبو أحمد والله يا خوي مبدك هلعلام ..
والله هذي الدنيا ما ظل فيها أمان اللي بتحسبوا موسى بطلع فرعون
يا أخوي دير بالك وسكر بابك عليك على أولادك يا أبو سعيد ..
أبو أحمد والله ما في حده في الدنيا داير بالو على ولادو قدي.
والله يا أخوي أبو أحمد ما ظل لي نفس في ها الدار وفي ها السكنه !!
وين بدك تروح ؟
أرض الله واسعة يا أخوي!!
بتخاف تطلع من هان وتسكن تلاقي ألف واحد زي أبو راسم !!
المهم سكر بابك عليك وعلى اولادك واقعد الهم .
البلد يا أخوي أبو سعيد زي ما فيها ناس بطالين فيها ناس كويسين
انسيت يوم ما رحنا أنا وياك نحضر احتفال التكريم لحفاظ القرآن قبل سنتين
ولاقينا أخونا أبو صالح هو وولادو
آى والله ما انسيت عند ماكرموا اولادو الثلاثة صالح ومحمد وعبدالله
والله كانوا بفتحوا النفس
وانا بعرف أبو صالح , دايمن أبو صالح مع الله ..
زلمه ما بقول الا كلمة الحق ,لا بخاف من فلان ولا من علان,
أبو صالح يا خوي يا ابو سعيد مش تابع لا للشمال ولا للجنوب ولا كمان للوسط ..!!
هاذول يأ خوي يا بو سعيد هم اللي الواحد لازم بيدور عليهم ويقعد فمجالسهم ..
أبو صالح وأمثالو هم اللي لازم الواحد يجالسهم ويتعلم منهم ...

يا أخوي يا أبو سعيد والله الخير موجود في بلدنا
والخير كمان كثير ,ومجالاتو كمان كثيره
======================
تحياتي لكم .. أتمنى أن لا أكون أثقلت عليكم


غزة -فلسطين